Magnhild Bruheim 

Eg er fødd og oppvaksen i Skjåk i Gudbrandsdalen, men har budd om lag tjue år i Oslo, og på Lillehammer sidan 1995.

Eg har alltid likt å skrive, og vart inspirert av at eg hadde ein onkel som var diktar (Jan Magnus Bruheim). Men det vart inga bok før i 1997. Debutboka "Varselet" tar utgangspunkt i skremmande ting frå min eigen oppvekst i Skjåk i sekstiåra. Derfor syntest eg krimsjangeren passa godt for å fortelja den historia. Og den eine krimboka gav meg lyst til å skrive fleire.

Sidan 1986 har eg arbeidd som journalist i NRK, først i Oslo, seinare i Lillehammer. Eg har arbeidd med nyheiter, kultur - og samfunnsprogram. I 2000 sa eg opp den faste stillinga, for å kunne bruke meir tid til skriving. Arbeider som frilansjournalist når eg har tid.